Take a fresh look at your lifestyle.

Елімізден қанша адам қажыға баратыны белгілі болды

0 90

Биыл Сауд Арабиясына қажылыққа 3000 қазақстандық аттанады, деп хабарлайды «ҚазАқпарат» ХАА.

«Сауд Арабиясы тарапынан 3000 орынға квота бөлінді. Қазақстандық қажыларды 18 компания апарады. Өтініш бергендердің қатарына 16-89 жас аралығындағы азаматтар бар. Кәмелетке толмағандар ата-аналарымен бірге барады. Бүгінгі таңда 1500-ге жуық адамның визасы дайын», – деді ҚМДБ өкілі Нұрқанат Байзақов.

Оның айтуынша, биылғы қажылықтың ерекшелігі – бірыңғай киім киетіндігінде.

«Бұрын 18 компания 18 түрлі киіммен апаратын. Енді биыл киім бір, тек киімдегі логотип қана әртүрлі болады», – деді Н.Байзақов.

Биыл қажылық сапарының құны 4400-5000 АҚШ доллары шамасында.

«Қажылық сапарының құны көрсетілетін сервиске, тамаққа, қонаүйдің алыстығы мен жақындығына байланысты болады»,- деді ол.

Қажылар қасиетті орындарға отандық Scat және Сауд Арабиясының Fly Nas әуекомпанияларының ұшақтарымен жетеді.

Биыл рейстер Алматы, Астана, Ақтау және Шымкент қалаларынан ұшады.

Қажылардың алғашқы легі Қазақстаннан 8-9 тамызда шықса, елге 1 қыркүйекке дейін оралуы тиіс.

Пікір жазу

Поштаңыз сыртқа жарияланбайды.