Астана: Қазақша күрестен V Республикалық турнирге іріктеу сайысы өтті (ФОТО)
Астана Техника-экономикалық колледжінің спорт кешенінде Бас мүфти Cерікбай қажы Сатыбалдыұлының жүлдесі үшін қазақша күрестен V Республикалық турниріне іріктеу сайысы өтті, деп хабарлайды ummet.kz тілшісі.
Related Posts
Турнир талаптарына сәйкес іріктеу сайысында 18 жастан асқан, салмағы 74 кг-нан жоғары, кәсіпқой спорт саласынан тыс әуесқой палуандар күш сынасты.
Іріктеу сайысының ашылу салтанатында ҚМДБ-ның Астана қаласы бойынша өкілі, «Нұр Астана» орталық мешітінің бас имамы Асқар Мұқанов шараның маңызы мен мақсаты жайында айтып өтті.
Білекті палуандар арасында өткен белдесу нәтижесі төмендегідей болды. Қазылардың орта ұйғарымымен үшінші орынға «Әс-Сәлам» мешітінің палуаны Төле Аманжол ие болса, 2 орынды «Әзірет Сұлтан» мешітінің палуаны Айсағалиев Нұрдәулет еншіледі. Ал бірінші орынға «Төлебай» мешітінің палуаны Жұмағали Алмаз лайық деп танылып, Республикалық V турнирдің жолдамасын ұтып алды.
Жүлдегерлерге арнайы дипломдар мен ақшалай сыйақы табысталды.
