БАС МҮФТИ: ӨШПЕНДІЛІК ПЕН ӨКТЕМДІК АДАМДЫ ӨСІРМЕЙДІ (ФОТО)
Қазақстан мұсылмандары діни басқармасының төрағасы Серікбай қажы Ораз Астанада Гуманитарлық заң колледжінің студенттерімен кездесуінде осылай деді.
Related Posts
Жастарға дәріс оқыған Бас мүфти: «Халқымызда: «Кең болсаң, кем болмайсың», – деген нақыл сөз бар. Кеңпейілдік – көркем мінездің бір сипаты. Сіздерге өмірлік тәжірибемнен айтайын: өшпенділік пен өктемдік адам баласын ешқашан өсірген емес. Сондықтан, кеңпейіл, көпшіл, бауырмал болуымыз ләзім. Бұл – күллі пайғамбарлар салған сара жол», – деп атап өтті.
Серікбай Сатыбалдыұлы шараны ұйымдастыруға ұйытқы болған колледж директоры Саят Нұрланұлына «Ұлы дала төсіндегі Ислам» атты кітабын, ал студенттерге «Тәпсір тұнығы» еңбегін сыйға тартты.
Кездесу соңы сұрақ-жауапқа ұласып, студенттер көкейтесті сауалдарына жауап алды.