Шағбан айындағы шарапатты шара

Пайғамбарымыз (с.ғ.с.) Шағбан айы келгенде, «Алла Тағалам! Ережеп пен Шағбан айларын берекелі қыла гөр. Бізді Рамазанға аман-есен жеткіз» деген дұғасын жиі айтатын болған. Қаситетті Рамазан айы таяп қалғанда мұсылмандар сауапты амалдарын арттыруға, жақсылық жасауға дайындалады.

ҚМДБ төрт басым бағытының бірі – қайырымдылық шараларын ұйымдастыру.  «Сәдуақас қажы Ғылмани» мешітінің бас имамы Нұрлан Рамазановтың ұйытқы болуымен және «Аналар мектебінің» ұйымдастыруымен қайырымдылық шарасы өткізілді. Көпбалалы және әлеуметтік аз қамтылған он отбасының мекен жайына азық-түлік пакеті  мешіт қызметкерлері тарапынан жеткізілді. Қайрымдылық пакетте ораза ұстаушы кісінің ауызашарға қажетті барлық азық-түлік қамтылған.

Мешіт жанынан құрылған «Аналар мектебі» рухани клубының жетекшісі Әлия Аусағатова мен ұстаз Айгүл Көксегенқызы қайрымдылық шаралардың жалғасатындығын айтты.

          «Сәдуақас қажы Ғылмани» мешітінің баспасөз орталығы