Қарттарға құрмет көрсетілді

Қазақстан мұсылмандары діни басқармасының төрағасы Наурызбай қажы Тағанұлы Ақмола облысына барған сапарында қариялармен жүздесті.

Бас мүфти қарияларды Мәуліт мерекесімен құттықтап, игі тілегін білдірді.

«Пайғамбарымыз Мұхаммед (оған Алланың салауаты мен сәлемі болсын): «Қарттың қасында береке бар» деген. Халқымыз: Қарты бар елдің – қазынасы бар» деп атаған. Қазыналы қарттарымызды қадірлеуді жас буынға үйрету – маңызды істің бірі. Алла Тағала қарты мен салтын сыйлаған елге айналуымызды нәсіп етсін. Сіздерге мықты денсаулық, амандық пен береке тілеймін» деді Наурызбай қажы Тағанұлы.

Игі іс-шарадан кейін Бас мүфти қарттарға тұрмыстық техниканы сыйға тартты.