ҚМДБ Төрағасы марқұм Әбсаттар қажы Дербісәлінің рухына Құран бағыштады

Қазақстан мұсылмандары діни басқармасының төрағасы Наурызбай қажы Тағанұлы Алматыға барған сапарында мүфтиятты 2000-2013 жылдары басқарған марқұм Әбсаттар қажы Дербісәлінің зиратына арнайы барып, қасиетті Құран аяттарын бағыштады.

«Уа, Алла Тағала, Сен аса Рақымдысың! Бақилық болған пендең – Әбсаттар қажы Дербісәлі марқұмды мейіріміңе ала гөр. Оның діни салада жасаған игі амалдарын мол сауапқа айналдырғайсың. Артында қалған отбасына, ұрпағына Өзің жар болғайсың. Осында жерленген барша мұсылмандардың мәңгілік мекенін жәннаттан еткейсің. Елімізге амандық, жерімізге тыныштық беріп, тәуелсіздігімізді баянды ете гөр» деп дұға жасады Наурызбай қажы Тағанұлы.

Айта кетсек, бүгін Бас мүфти мүфтияттың 35 жылдық мерейтойы қарсаңында Алматыда ардагер имамдармен кездесті.