Он күнде 6 баспана берілді
ҚМДБ «Зекет және қайырымдылық» қорының «Ел үлесі – пәтерге» жобасы аясында Түркістан облысында он күнде 6 баспана берілді.
Атап айтқанда Шардарада – 1, Түркістан қаласында – 3, Созақта – 1, Жетісайда – 1 отбасы баспаналы болды.
Ерекше атап өтетіні, Түркістан қаласындағы үш үй де жаңадан салынды. Ал Жетісай ауданында баспана имамға берілсе, қалған бес үй мұқтаж отбасыларға тарту етілді.
Имамдар «Ел үлесі – пәтерге» жобасы бойынша 339, 440, 441, 442, 443 және 446-баспанаға демеушілік жасап, мұқтаждарды қуантқан жомарт жандарға, ерікті жамағатқа ризашылығын білдіріп, кәсіптеріне береке тіледі.
yassi.kz
