Бас мүфти Қызылорда облысы әкімімен кездесті

Қызылорда облысына жұмыс сапарымен барған Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы өңір басшысы Нұрлыбек Нәлібаевпен кездесті.

Кездесуде аймақтағы діни ахуалды тұрақты сақтау, мешіттерді кадрмен қамтамасыз ету, сондай-ақ халық арасында дін мен дәстүр сабақтастығын кеңінен насихаттау бағыттары жан-жақты талқыланды.

Айта кетейік, Қызылорда облысында бүгінде 194 мешіт жұмыс істеп, онда 300-ге жуық дін қызметкері қызмет атқаруда.