Кейде түсінбегендей, көрмегендей, естімегендей әрекет ет

Кейде үндемей қалуға тура келеді, өйткені кейбір мәселелер айту арқылы одан артық шиеленісіп кетеді. Сондай кезде білмейтіндей, түсінбегендей, көрмегендей және естімегендей әрекет ет…

Бір кісі Халифа әл-Мәһдиге аяқ киім алып келді. Ол адам: «Мұхаммедтің өзі бұл аяқ киімді киген, бағалы сыйлықты қабыл ал», – деді. Әмірші аяқ киім иесіне қымбат сыйлықтар беруді бұйырып, өзінің қасындағы жақын адамдарын таң қалдырды.

Олардың барлығы бұл аяқ киім Пайғамбардікі (с.ғ.с) еместігін жақсы білетін. Ол адам кеткен кезде Халифа әл-Мәһди былай айтты: «Мен Пайғамбарда бұл аяқ киім ешқашан болмағанын жақсы білемін. Бұл адам аяқ киімді мирасқа немесе сыйға алған немесе базардан сатып алған. Бірақ егер мен аяқ киімді алудан бас тартып, оған сыйлық бермесем, «Пайғамбардың аяқ киімін әміршіге алып келген кезде мүлде қуанған жоқ» деген өсек тарап кетер деп қорықтым».

материал «114» кітабынан алынды,

sunna.kz