Сәдуақас қажы Ғылмани мешітінің ресми сайты

Астанада Наурыз мерекесіне орай қайырымдылық марафоны өтеді

0 399

Get real time updates directly on you device, subscribe now.

Астана қаласында 24-наурыз күні тұңғыш рет «AstanaNauryzMarathon» атты жүгіруден қайырымдылық марафоны өтеді. Қайырымдылық шарасына кез келген адам қатыса алады. Алдымен қатысушы өзінің еркімен мен мүмкіндігіне қарай жүгіру қашықтығын таңдап, соған сәйкес жарна төлеуі тиіс.

Яғни, марафон ережесіне сәйкес 500 метрге жүгіремін деуші 5000 теңге, 5 шақырым 7000 теңге, 10 шақырым 7000 теңге, 21 шақырым 7000 теңге көлемінде ақша төлейді.

«Жүгіру марафонына 2-2,5 мың аралығында адам қатысады деп жоспарлануда, сондай-ақ, жүгіру жарысына кәсіби желаяқ марафоншылар да шақырылып отыр. Шарадан түскен қаражаттың жартысы қайырымдылық мақсатына жұмсалады. «AstanaNauryzMarathon» марафоны өтетін тас жол IAAF/AIMS ережесіне сәйкес аккредиттелген мамандармен сертификатталған», – делінген марафонның ресми сайтында.

«AstanaSportLife» компаниясының ұйымдастыруымен өтетін спорттық шараға Астана қаласының әкімдігі қолдау білдіріп отыр.  Айта кетейік,«AstanaNauryzMarathon» қайырымдылық марафоны қаладағы Триатлон саябағында (Б.Момышұлы, 2) өтеді.   

Get real time updates directly on you device, subscribe now.

Пікір жазу

Поштаңыз сыртқа жарияланбайды.