Сәдуақас қажы Ғылмани мешітінің ресми сайты

Елорда әкімі азық-түлік бағасын тұрақтандыру жөнінде кеңес өткізді

0 78

Get real time updates directly on you device, subscribe now.

15 наурыз. Нұр-Сұлтан. Sunna.kz – Елорда әкімі Алтай Көлгінов әлеуметтік маңызы бар азық-түлік бағасын тұрақтандыру жөнінде кеңес өткізді. Кездесуге ірі сауда желілері мен базар өкілдері қатысты, деп хабарлайды aikyn.kz сайтына сілтеме жасаған sunna.kz тілшісі.

Мем­лекет басшысы Қасым-Жомарт Тоқаев әлеу­меттік маңызы бар азық-түлік тауарларының бағасын бақылауда ұстауды тапсырды. «Ба­ғаны тұрақтандыру бойынша 2 бағытта жұ­мыс жүргізіп жатырмыз: тұрақтандыру қоры құрылды, сауда желілерін жеңілдікпен не­сиелендіру бойынша жұмыстар жүргізілді.

«Айналым схемасы» жобасына Magnum, «Астықжан», «Кенмарт», Small, «Шапағат», «Евразия», «Артем», «Биг Шанхай» сияқты сауда орындары қатысады, сондай-ақ ет пен жарма бойынша жеткізушілер анықталды. Көтерме сауда, делдалдар, кәсіпкерлер және т.б. тарапынан «азық-түлік себетіне» жататын тауарлармен алыпсатарлық болмауы тиіс. Осы бағытта жұмыстар жалғасып жатыр. Бағаны тұрақтандыру мәселесі Мемлекет басшылығының бақылауында», – деді қала әкімі Алтай Көлгінов.

Инвестиция және кәсіпкерлікті дамыту басқармасының бас­шысы Ерлан Бекмұрзаев дүрлігуге себеп жоқ екенін, азық-түлік жеткілікті мөлшерде ба­рын атап өтті. Сондай-ақ елорда әкім­дігі әлеу­меттік нан бағасын ұстап тұру мә­селе­сін қарастырды: тұрақтандыру қорының ұн қоры толықтырылып, қаланың нау­бай­ханаларына қолдау көрсетіліп жатыр. Ауылшаруашылық жәрмеңкелерін өткізу бағаны ұстап тұруға және өнімді нарықтық бағадан төмен сатуға мүмкіндік береді.

Ауылшаруашылық жәр­мең­келерінің маусымы «Аспан базар» сауда үйінде басталды, жәрмеңке әр сенбі мен жексенбі күндері сәуір айына дейін өтеді.

Get real time updates directly on you device, subscribe now.

Пікір жазу

Поштаңыз сыртқа жарияланбайды.