Бас мүфти Қаратал тарихи-өлкетану мұражайын аралады

Қазақстан мұсылмандары діни басқармасының төрағасы Наурызбай қажы Тағанұлы Жетісу өңіріне жұмыс сапары барысында Қаратал тарихи-өлкетану мұражайын аралады.

Бас мүфти Қаратал ауданының орталығы Үштөбе қаласында орналасқан мұражайда этнографиялық жәдігерлерді көріп, археологиялық артефактілермен, сондай-ақ өңірден шыққан даңқты тұлғалар жайлы тың деректермен танысты.

Айта кетейік, Қаратал тарихи-өлкетану мұражайы 2023 жылы ашылды. Жалпы ауданы 2520 шаршы метр болатын қос қабатты ғимаратта өлке тарихына қатысты 350-ге жуық экспонат қойылған.