Бас мүфти Қалжан ахун кесенесіне құран бағыштады
19 қараша. Нұр-Сұлтан. Sunna.kz – Бас мүфти Наурызбай қажы Тағанұлы бастаған топ Сырдария ауданындағы Қалжан ахун кесенесіне келіп, Құран бағыштады, деп хабарлайды ҚМДБ баспасөз қызметіне сілтеме жасаған Sunna.kz тілшісі.
Сонымен қатар Діни басқарма төрағасы Қалжан ахун медресесінің бүгінгі жай күйімен танысты. Медресе маңында ауыл ақсақалдарымен жүздесіп дидарласты. Зияраттан соң Бас мүфти «Халық арна» телеарнасына арнайы сұхбат берді. Сапар қорытындысы туралы дайындалған бейнематериалды Діни басқарманың «Халық арна», Hikmettv және Muftyat ютуб арнасынан көре аласыздар.
Айта кетейік зияратқа келген топтың құрамында ҚМДБ Аппарат басшысы Ғылымбек Жәдігерұлы, Діни білім және кадр даярлау бөлімінің меңгерушісі Смайыл Сүйерқұлұлы, Ақпарат және қоғаммен насихат бөлімінің меңгерушісі Марат Бектазинов сондай ақ облыстың бас имамы Болатбек Ұласқанұлы болды.
