Мешітте игі бастама жүзеге аспақ
14 қаңтар. Нұр-Сұлтан. Sunna.kz – Мешіт жұмыссыздар мен жұмыс берушілер арасына дәнекер болуда, деп хабарлайды Sunna.kz тілшісі.
Бүгінгі таңда қалалық жерлерде жұмыссыз жүру кім-кімге болса да оңай емес. Азаматтардың осы бір қиындықтарына көмек қолын созып, сауапты істерге ұйтқы болуды ойлаған «Сәдуақас қажы Ғылмани» мешіті жұмыссыз азаматтар мен жұмыс берушілер арасында дәнекерлік қызметті жолға қойды.
Атап айтқанда жұмыс таба алмай жүрген жамағаттың қолынан келетін мамандық түрлері тіркеуге алынып, соған сәйкесінше жұмыс берушілердің де олардың сұранысындағы мамандық түрлеріне де бөлек тізім жасалды.
Осылайша, екі тізімдегі қос тараптың сұраныстары бір арнаға тоғысқан кезде екі жақты табыстыру жұмысы жүзеге асады.
Мешіттің ізгі бастамасына Алла береке бергей!