30 отбасына қайырымдылық жасалды (ФОТО)

25 қаңтар. Нұр-Сұлтан. Sunna.kz – «Сәдуақас қажы Ғылмани» мешітінде көлемді қайырымдылық шарасы өтті, деп хабарлайды Sunna.kz тілшісі.

Жақында Елордада өткен Төралқа мәжілісінде Бас мүфти Наурызбай қажы Тағанұлы өзінің бағдарламалық баяндамасында ақпарат және қоғаммен байланыс, уағыз-насихат, қайырымдылық, оқу-ағарту және кадрлық әлеует, рухани тәрбие Ихсан ілімі, дін мен дәстүр, діни ағымдармен жұмыс бағыттары бойынша жұмыстарға басымдық берілетінін жеткізген болатын.

Осы бағыттардың аясында мешіт ұжымы демеушілер көмегімен көп балалы, әлеуметтік жағдайы төмен 30 отбасына қайырымдылық азық-түлік таратты.

Шара аясында 210 мың теңге көлеміндегі азық-түлік пәкеттері үлестірілді.

Мешіт ұжымы атынан демеуші азаматтарға алғыс айтамыз.