Сәдуақас қажы Ғылмани мешітінің ресми сайты

Шымкентте қыздар арасында Құран жарысы өтті

0 790

Шымкент қаласының Абай аудандық «Сабыржан ата» мешіті және шаһардағы Әйел-қыздар секторының ұйытқы болуымен ел Тәуелсіздігінің 30 жылдық мерейтойы аясында «Құран және отбасы» тақырыбында Құран жарысы ұйымдастырылды.

Жарыс Құран Кәрімнің 30-шы бөлімін (пара) жатқа оқудан өтті. Оған мешіт жанындағы діни сауат ашу курсында тәлім алып жатқан шәкірттер қатысты.

Жарыс нәтижесі бойынша: 1-орынды Салиха Мамыржанова, 2-орынды Мариям Муслимова, 3-орынды Гузаль Абдиева иеленді. Жеңіс тұғырынан көрінген қыздар мен барлық қатысушыға Шымкент қаласының бас имамы Бақдаулет Нұрматұлының атынан алғыс хат және қаржылай сыйлық табыс етілді.

Ұйымдастырылған шара барысында ата-аналар тағылымды жарыс үшін «Сабыржан ата» мешітің имамы Шухратбек Юлдашев мен ДСАК ұстазы Мукаддас Азимоваға ризашылықтарын білдірді.

Пікір жазу

Поштаңыз сыртқа жарияланбайды.