Сәдуақас қажы Ғылмани мешітінің ресми сайты

40 шәкірт Хасеки академиясына оқуға аттанды

0 506

Шымкент қаласында Қазақстан мұсылмандары діни басқармасы мен Түркия дін істері басқармасы арасындағы екі жақты келісім негізінде Хасеки академиясының 2021-2022 оқу жылына қабылданған шәкірттерді шығарып салу шарасы ұйымдастырылды.

Айтулы шараға ҚМДБ Діни білім және кадр даярлау бөлімінің меңгерушісі Смайыл Сейтбеков, Шымкент қаласының бас имамы Бақдәулет Нұрматұлы, қала бас имамының кеңесшісі Бекайдар Әміре арнайы қатысып, білім сапарына аттанған шәкірттерге батасын беріп, сәттілік тіледі.

Басқосу аясында Смайыл Сүйерқұлұлы Бас мүфти Наурызбай қажы Тағанұлының арнайы сәлемін жеткізіп, шәкірттерге бірқатар ақыл-кеңестер беріп, оқу ордасындағы талап, ережелерді жан-жақты айтып өтті. Сондай-ақ, аталмыш оқу орнында білім деңгейімен қатар студенттерге барлық жағдайдың жасалғанын тілге тиек етті.

Айта кетейік, биыл ҚМДБ-ға қарасты діни оқу орындарын бітірген, білімді, даярлық курстан және қабылдау емтиханынан өткен 40 шәкіртке Хасеки академиясының жолдамасы берілді.

iman.kz

Пікір жазу

Поштаңыз сыртқа жарияланбайды.