28  отбасыға қайырымдылық көмек берілді

Бүгін “Сәдуақас қажы Ғылмани” мешітінде қайырымдылық шарасы өтті. Карантиндік талаптарды сақтай отырып, әлеуметтік аз қамтылған 28  отбасыға 200 кг сиыр еті таратылды. 

“Қазақстан мұсылмандары діни басқармасының негізгі бағыттарының бірі – қайырымдылық. Халқымызда “қайырымдылық жасасаң, қайырын өзің көрерсің” деген керемет тәмсіл бар. Біз әр сауапты амалды Алла разылығы үшін жүзеге асырамыз. Ізгілік шаралары жалғасады” дейді мешіттің бас имамы Хамзат Қажымұратұлы. 

Қайырымдылық көмек алғандар мешіт әкімшілігіне өз ризашылықтарын білдіріп, алғыстарын айтты.

“Сәдуақас қажы Ғылмани” мешітінің баспасөз қызметі