Сәдуақас қажы Ғылмани мешітінің ресми сайты

Мешітке Әбу Насыр әл-Фараби бабамыздың есімі берілді

0 880

19 қараша. Нұр-Сұлтан. Sunna.kz – Бүгін, қасиетті жұма күні Елорда төріндегі «Нұр Астана» мешітінің атауы өзгертіліп, ғұлама ойшыл Әбу Насыр әл-Фараби бабамыздың есімі берілді, деп хабарлайды ҚМДБ Астана өкілдігінің Баспасөз қызметіне сілтеме жасаған Sunna.kz тілшісі.

Жұма намазына жиналған жамағат алдында салтанатты шара өтіп, қуанышты хабар арнайы жария етілді.

Қасиетті Құран аяттарымен ашылған салтанатты шараға арнайы қатысқан Нұр-Сұлтан қаласының бас имамы Ерболат Жүсіпов мешітке Әл-Фараби есімі берілуінің маңыздылығын атап өтіп, ізгі тілегін білдірді. Ел тәуелсіздігінің 30 жылдығы мен Әл-Фараби бабамыздың 1150 жылдығына орай көтерілген бұл бастаманың ҚМДБ Төралқа мәжілісінде мақұлданғанын жеткізіп, жамағатқа Бас мүфти Наурызбай қажы Тағанұлының құттықтау лебізін оқыды.

Данышпан бабамызға деген құрмет үлгісіндей болған салтанатты шараға белгілі қоғам қайраткері Ғарифолла Есім, академик ғалым Дихан Қамзабекұлы сынды ел ағалары да қатысып, өз қуаныштарымен бөлісті.

Пікір жазу

Поштаңыз сыртқа жарияланбайды.