Сәдуақас қажы Ғылмани мешітінің ресми сайты

Конференция делегаттары «Әзірет Сұлтан» мешітінде

0 707

26 қараша. Нұр-Сұлтан. Sunna.kz – Елордада «Тәуелсіз Қазақстан және Ислам құндылықтары» тақырыбында өткен халықаралық ғылыми-тәжірибелік конференция делегаттары республикалық «Әзірет Сұлтан» мешітінде болды, деп хабарлады ҚазАқпаратқа сілтеме жасаған Sunna.kz тілшісі.

Қазақстан мұсылмандары діни басқармасының төрағасы Наурызбай қажы Тағанұлы жамағатқа уағыз айтып, дін қайраткерлерін жамағатқа таныстырды.

Өзбекстан мұсылмандары діни басқармасының төрағасы Нуриддин Холикназаров пен Ресей Федерациясы Омбы және Омбы облысы мұсылмандары діни басқармасының төрағасы Бота Бакулин республикалық «Әзірет Сұлтан» мешітінде Исламдағы бауырмалдық, адамзаттың бірлігі, тәуелсіздіктің қадірі туралы тағылымды насихатын айтып, ізгі ниетін жеткізді.

Жұма намазынан кейін Бас мүфти Наурызбай қажы Тағанұлы еліміздің игілігі мен берекесі үшін арнайы дұға жасады.

Пікір жазу

Поштаңыз сыртқа жарияланбайды.