Ақсақалдарға құрмет көрсетілді

«Сәдуақас қажы Ғылмани» мешітінде де Ораза айт намазы оқылып, Құран Хатым жасаған ақсақалдарға құрмет көрсетілді.

Мешіт жанындағы Сауат ашу курсының Ақсақалдар тобы қасиетті Рамазан айында күн сайын құлшылық ордасына келіп, ай бойы екі мәрте Хатым жасаған болатын.

Осыған орай, айт намазынан кейін, бас имам Руслан Байзақов ақсақалдарға арнайы ризашылық білдіріп, жамағаттың алдында ата дәстүрімізге сай иықтарына шапан жапты.

Өз кезегінде ақсақалдар мешіт ұжымына алғыстарын жаудырып, ақ батасын берді.