Елордада «QAIYRYMDYLYQ JARSHYLARY» І республикалық еріктілер форумы өтеді

Уақыты Қараша 14, 2022

16 қараша күні елордасы Астана қаласында Қазақстан мұсылмандары діни басқармасына қарасты «Зекет және қайырымдылық» қорының ұйымдастыруымен «QAIYRYMDYLYQ JARSHYLARY» атты бірінші республикалық еріктілер форумы өтеді.

Форумға ҚМДБ Төрағасы, Бас мүфти Наурызбай қажы Тағанұлы бастаған мүфтият ұжымы мен дін қызметкерлері, қоғам қайраткерлері, кәсіпкерлер мен БАҚ өкілдері, сондай-ақ еліміздің әр аймағынан келген зекет өкілдері, еріктілер қатысады.

Ауқымды іс-шараның мақсаты – республика бойынша кеңесті жинап, «QAIYRYMDYLYQ JARSHYLARY» еріктілерінің тұғырнамасы», «еріктілер күні», «QAIYRYMDYLYQ JARSHYLARY» еріктілерінің жылдық жоспарын бекіту және «Үздік қайырымдылық жобаны» таңдау, «Жыл жанашырын» анықтау және қазіргі таңдағы атқарылып жатқан жобаларды таныстыру.

Өтетін орны: Астана қаласы, Қарасаз к-сі, Қазақстан мұсылмандары діни басқармасы ғимараты, «Al Farabi» мәжіліс залы.