100 отбасына көмек көрсетілді

«Сәдуақас қажы Ғылмани» мешітінде ірі көлемді қайырымдылық шарасы өтті.

Рамазан – мейрімділік айы. Қасиетті айда жасалған құлшылықтардың сауабы еселеніп қайтатынын білетін әрбір мұсылман барынша жақсы амал жасауға тырысады. Сондықтан да, ел мешіттері бұл айда қайырымдылық шарасында мән беріп, түрлі форматта шаралар ұйымдастырады.

Ғылмани мешітінде де қайырмылық шаралары тек Рамазан айында ғана емес, жылдың басқа мезгілдерінде де жүзеге асырылып келе жатқан дәстүрлі шара.

Кезекті қайырымдылық шарасы аясында әлеуметтік жағдайы төмен, көпбалалы, толықемес құрамдағы, т.б көмекке зәру 100 отбасына азық-түлік сөмкесі таратылды.