Бас мүфти Ислам институтында имамдарға дәріс өткізді
Бас мүфти Ислам институтында имамдарға дәріс өткізді
Қазақстан мұсылмандары діни басқармасы төрағасы, Бас мүфти Наурызбай қажы Тағанұлы Алматы қаласына сапары барысында Республикалық имамдардың білімін жетілдіру Ислам институтының білім алушыларына дәріс өткізді.
Бас мүфти уағыз айтудағы жауапкершілік, уағыз айту барысында көркем сөйлеу мен дәйекті сөздермен жеткізу жайлы және тағы басқа да мәселелерге және ислам құндылықтарын жеткізудегі әдістемеге тоқталды. Сонымен қатар насихат айту кезінде дін қызметкерлері ескеруі тиіс ережелер мен қағидаларға тоқталды. Кездесу соңында әр өңірден келген 48 имамға білімін жетілдіру курсын тәмамдағанын растайтын куәлік табыстады.
Айта кетейік, курсты жыл басынан бері 153 аяқтаса, 10-ы Монғолия елінен келген дін қызметкерлері. Бүгін 48 имам біліктілігін жетілдіру курсын аяқтап отыр. Өз кезегінде имамдар Бас мүфти Наурызбай қажы Тағанұлының бастамасымен дін саласында атқарылып жатқан игі істерге алғыстарын жеткізді.
