Кәсіпкер азаматтарға ауызашар берілді (ФОТО)
6-маусым. Астана. /SUNNA.KZ/ – Қасиетті Рамазан айына орай, «Сәдуақас қажы Ғылмани» мешітінде кәсіпкер азаматтарға ауызашар берілді.
ҚМДБ-ның Астана қаласы бойынша өкілдігінің арнайы тапсырмасы аясында, «Алтын ғасыр» мейрамханасында елордалық 30-ға жуық кәсіпкер азаматтарға айырықша ауызашар дастарханы жайылды.
Шара барысында Бас имам Жұманазар Садырханов мешітімге арнайы демеушілік жасап, ата дініміздің өркендеуіне өз үлестерін қосып жүрген атымтай азаматтарға айырықша алғысын білдірді.
Сондай-ақ наиб имам Бағзат Ақжол жиналған жамағатқа Рамазан айының соңғы он күнінің қадір-қасиеті және Қадір түні жайында тағылымды уағыз-насихат айтты.
Ауызашарға белігі дінтанушы және мешіт жанашырларымен бірге көптеген кәсіпкермен зиялы қауым өкілдері қатысып, мешіт жұмыстарына ризашылықтарын жеткізді.
«Сәдуақас қажы Ғылмани» мешітінің баспасөз қызметкері
