Астанада ҚМДБ құжаттарын түсіндіруге арналған семинар өтті

ҚМДБ Астана қалалық өкілдігінің ұйымдастыруымен «Әзірет Сұлтан» мешітінде елорда имамдарына арналған семинар өтті.

Семинар ҚМДБ қабылдаған концептуалды құжаттарға арналып, Діни басқарма жұмысының негізгі өзегі болған тарихи құжаттар жайлы кеңінен насихатталды.

Басқосуға Астана қалалық өкілдігіне қарасты 12 мешіттің имамдары мен ұстаздары қатысып, ҚМДБ құжаттарының маңыздылығы мен жекелеген бағыттар бойынша басты ережелер пысықталды. Семинар барысында ҚМДБ Діни оңалту бөлімінің меңгерушісі Хасан Аманқұл мен Республикалық бас мешіттің имамы Қанат Қыдырмин аталған құжаттар жайлы баяндама жасады.

Қаланың бас имамы Ерболат Жүсіпов бүгінгі семинардың маңыздылығына тоқталып, осы уақытқа дейін Діни басқарма қабылдаған 11 құжат жайында қысқаша шолу жасады.