Діни басқарма жанынан қарилар алқасы құрылады

Бұл туралы Бас мүфти Наурызбай қажы Тағанұлы 2025 жылға арналған Бағдарлық баяндамасында мәлімдеді.

«Құранды толық жаттау үлкен жауапкершілік жүктейді. Қарилар да ұстазға, тәрбиешілерге мұқтаж. Осыған орай Діни басқарма жанынан Қарилар алқасын құру қажет деп санаймын. Құдай қаласа осы жылы І республикалық Қарилар алқасын өткізіп, алқалы жиында «Қарилардың рухани келбеті» құжатын қабылдаймыз» деді ҚМДБ Төрағасы.