Жаздық сауат ашу курсында ұлттық ойындардан сайыс өтті

"Сәдуақас қажы Ғылмани" мешітінде "Имани жаз-2022" атты мектеп жасындағы балаларға арналған жаздық сауат ашу курсында білім алып жатқан шәкірттер арасында ұлттық ойындардан сайыс өтті.

Дін мен дәстүр сабақтастығы аясында өткен сайыс барысында шәкірттер асық ату, жүгіру, арқан тарту сияқты ұлттық ойын түрлері бойынша жарысқа түсті.

Шараға "Сәдуақас қажы Ғылмани" мешітінің бас имамы Руслан Байзақов, қалалық спорт басқармасының төрешілері және мешіт қызметкерлері қатысты.

Сайыс соңында балаларға базарлық үлестірілді.