Жат ағымның алдын алуға бағытталған дәріс жалғасуда

“Сәдуақас қажы Ғылмани” мешітінде жұма намазынан кейін жамағатқа дәлел-дәйектері бойынша намазын оқу үлгісі көрсетілген практикалық дәріс өтті.

Жаңа жылдан бастап “Намаз оқып үйренейік” атты арнайы дәрісі басталған болатын.

Намаз бастауға ниетті жандарға арналған дәрісте мешіт қызметкерлері намазға қатысты мәселелерді практикалық тұрғыда түсіндіріп, қатысушылардың сауалдарға дәстүрлі Ислам құндылықтары бойынша жауап берді.

Аталған шара Рамазан айынан кейін қайта басталған еді. Алдағы уақытта үздіксіз жалғасын табатын болады.

Жаңа бастаманың мақсаты – халықтың дұрыс діни ақпараттарға қол жеткізу мүмкіндіктерін арттру арқылы жат ағымдардың алдын алу.