Имамдарға семинар өткізді
Шымкент орталық мешітінде «Ихсан ілімі: Шариғат және пәтуа беру тағылымы» атты аймақтық діни семинары ұйымдастырылды.
Аталмыш семинарға ҚМДБ Төрағасының орынбасары, наиб мүфти Сансызбай Шоқанов арнайы қатысып, имамдарға дәріс оқыды. Шариғат және пәтуа беру саланың қыр-сырына тоқталған Сансызбай Құрбанұлы дәріс барысында Құран, хадис, ижмаь, қияс саласы, пәтуаның анықтамасы мен пәтуа берудің әдебі туралы қызықты мағлұматтарын бөлісті. Сондай-ақ, отбасы және ажырасу, талақ т.б. өзекті тақырыптарды қозғап, қатысушылар тарапынан қойылған сұрақтарға жауап берді.
Сондай-ақ семинарға Шымкент қаласының бас имамы Бақдәулет Абдрахманов, «Шымкент» медресе-колледжінің директоры Талғат Әсембай, шаһар имамдары мен дін қызметкерлері қатысты. Семинар қорытындысында С.Құрбанұлының «Пәтуа әдебі» кітабы және ҚМДБ Ғұламалар кеңесінің ұйытқы болуымен жарық көрген «Пәтуалар жинағы -3» кітаптары үлестірілді.
