Мұсылман елдердің халықаралық саммиті басталды

Түркияның Ыстамбұл қаласында «Дүниежүзілік ислам ғұламаларының жоғары кеңес саммиті» басталды.

Халықаралық жиынға Қазақстан мұсылмандары діни басқармасының төрағасы Наурызбай қажы Тағанұлы, сондай-ақ мұсылман елдерінің бірқатар мүфтилері мен дін ғалымдары қатысып жатыр. Саммиттің пленарлық отырысында Бас мүфти Наурызбай қажы Тағанұлы баяндама жасайды.

Айта кетейік, екі күнге созылатын халықаралық басқосуда мұсылман әлемінің қазіргі таңдағы өзекті мәселелері, соның ішінде Палестина мұсылмандары, Ғазза тұрғындарының қазіргі жағдайы кеңінен талқыланбақ.