«Ғайбат және әлеуметтік желі» тақырыбында уағыз айтылды
23 желтоқсан. Нұр-Сұлтан. Sunna.kz – «Сәдуақас қажы Ғылмани» мешітінде кезекті апталық уағыз дастарханы жайылды, деп хабарлайды Sunna.kz тілшісі.
Бас имам Руслан Байзақовтың бастамасымен дәстүр мен дін сабақтастығы аясында «Сәдуақас қажы Ғылмани» мешітінде «Берекелі жамағат» атты апталық уағыз дастарханы қайта жанданды. Іс-шара аясында әр апта да бір рет жамағатты әртүрлі тақырыпта насихат айтылып, ҚМДБ-ның жаңа бағыттары, ихсан құндылықтары хақында мағлұмат беріліп отырады.
Бүгінгі шара барысында бас имам Руслан Байзақов «Ғайбат және әлеуметтік желі» тақырыбында уағыз айтты.
Бас имам жиналған жамағатқа дініміздегі «ғайбат» ұғымның мәні мен мазмұны жайында тоқталып, бүгінгі әлеуметтік желіні пайдаланудағы кейбір көңіл бөлуге тиісті мәселелер турасында баяндап берді.
