Ғаламтор жұмысы жанданбақ

17 қыркүйек. Нұр-Сұлтан. Sunna.kz – Республикалық «Әзірет Сұлтан» мешітінде ҚМДБ Нұр-Сұлтан қаласы өкілдігі қызметкерлерінің жалпы жиналысы өтті.

Қаланың бас имамы Ерболат Жүсіповтың төрағалығымен өткен жиынның екінші бөліміне ҚМДБ Ақпарат және қоғаммен байланыс бөлімінің меңгерушісі Марат Бектазинов арнайы қатысты.

Марат Бектазинов жиынға қатысқан елордадағы 12 мешіттің бас имамдары мен наиб имамдарына қалалық мешіттердің сайттары мен әлеуметтік желілердегі жұмысының тиімділігін арттыруға қатысты бірқатар ұсыныс-кеңесін айтты.

Ақпарат және қоғаммен байланыс бөлімінің меңгерушісі карантин кезінде онлайн өткізіліп жатқан сабақтар мен дәрістердің маңыздылығына тоқталып, осы бағыттағы жұмыстарды жандандыруды тапсырды.