Түркістан қаласында өткен "Ислам жəне Ұлы дала өркениеті" атты конференцияда Яссауи ғылыми зерттеу орталығының директоры, философия ғылымдарының докторы, профессор Досай Кенжетай осылай деді.
"Бүгін мүфтияттың ұйымдастыруымен киелі Түркістан қаласында тəлімі мен тағылымы мол конференция өтіп жатыр. Бүгін қазақ руханияты үшін тарихи күн болды. Бас мүфти-хазіретіміз Серікбай қажы Ораз бастаған дін ғұламаларының түркі жұртының исламды қабылдауына ықпал еткен Қожа Ахмет Яссауидің кесенесіне зиярат етіп, тағылымды басқосуға ұйытқы болуы - көрегенділіктің көрінісі", - деп атап өтті Д.Кенжетай.
Ғалым өз баяндамасында А.Яссауидің рухани мұралары жайлы сөз қозғады.
