Қазір Арыстағы бала-бақшалардан Шымкентке алып кеткен бүлдіршіндерді ата-аналары іздеп келіп, қауышып жатқан жайы бар.
Ақ мешітке шаһардағы және облыстық мешіттерден көмекке азық-түлік жеткізіліп жатыр. Мешіт те, медресе ғимараты да лық толды.
Арысқа алыс-жақын аудандардан да жәрдем берілуде. Түркістан облыстық және қалалық мешіттерде де қоныстанған жандарға ас беріліп, жағдай жасалуда.
Түркістан қалалық мешіттерінің ұйытқы болуымен Арысқа 7 автобус аттандырылды. Адамдарды имамдар тосып тұр.
Көмек көрсетіп жатқан жұртшылыққа Алла Тағала разы болсын!
Түркістан облыстық мешітінің баспасөз қызметі
