ТАБЫС ТАБУДЫҢ ӘДЕПТЕРІ

Нұр-Сұлтан қаласы «С.Ғылмани» мешітінде Бас имам Нұрлан Рамазановтың ұйымдастыруымен, әр бейсенбі күндері ақшам намазынан кейін мешіт жамағатына ауызашар дастарханы жайылып, уағыз-насихаттар айтылып келеді. Қалыптасқан үрдіс бойынша бұл бейсенбіде наиб имам Рақматулла Оразұлы Ислам әлемінің ұлы ғұламасы ойшыл, имам Әл-Ғазали ілімдерінің негізінде «Табыс табудың әдептер» атты тақырыпта уағыз айтты. Аталмыш уағызға жиналған жамағаттың дені базарда істейтін сауда-саттықтың адамдары болғандықтан бұл тақырып олар үшін таптырмас дәріс болды.