Алла Тағаланың таразысы басқаша өлшейді

Кейде адамның қолындағы бір түйір құрмасы, жүректен шыққан шынайы ниетпен берілсе – талай байдың қазынасынан да құнды болады.

Себебі Алланың таразысы басқаша өлшейді. Алла Тағала Құранда кімнің қолы кең, мүмкіндігі мол болса, сол кеңдігінен берсін деген мағынадағы аятты келтіреді. Бұл аят – адамға берілген нығметтің сынақ екенін еске салады. Байлық – тек өзіңдікі емес, онда өзгелердің де несібесі бар.

Бұл сөздің мәні өте терең. Яғни кімнің қолы кең болса, сол қолының кеңдігінен берсін. Бай болсаң – байлығыңнан бер. Аз болсаң – аздығыңнан бер. Бірақ ешқашан «менде жоқ қой» деп жақсылықтан қашпа. Өйткені Алла сенің бергеніңнің көлеміне емес, ықыласыңа қарайды.

материал Нұрбол Рахматилланың

«Стамбулдағы тәфәккур» кітабынан алынды, 

sunna.kz