Сәдуақас қажы Ғылмани мешітінің ресми сайты

Равиль Гайнутдин жаңа Бас мүфтиді қызметімен құттықтады

0 144

Get real time updates directly on you device, subscribe now.

10 ақпан. Нұр-Сұлтан. Sunna.kz – Ресей Федерациясы мұсылмандары діни басқармасының және мүфтилер кеңесінің төрағасы Равиль Гайнутдин ҚМДБ Төрағасы, Бас мүфти Наурызбай қажы Тағанұлын лауазымды қызметке сайлануымен құттықтады. Ол бұл туралы Ресей мүфтилер кеңесінің ресми сайтында жариялады , деп хабарлайды muftyat.kz sunna.kz тілшісі.
«Құрметті Наурызбай қажы Тағанұлы бауырым! Ресей мұсылмандары діни басқармасы және Ресей мүфтилер кеңесі атынан Өзіңізді жоғары да жауапты қызмет – Қазақстанның Бас мүфтиі болып сайлануыңызбен шын жүректен құттықтаймын. Ресей мүфтилер кеңесі, Ресей мұсылмандары діни басқармасы мен Қазақстан мұсылмандары діни басқармасы арасында көпжылғы тығыз ынтымақтастық бар. Екі басқарма арасындағы жылдар бойғы бауырластық байланыс нәтижесінде көптеген жобалар мен бағдарламалар іске асты.

Біраз уақыттан бері сіз, қадірлі Наурызбай қажы Тағанұлы, құрметті бауырым Серікбай қажы Ораздың бірінші орынбасары ретінде біліміңіз бен парасатыңыздың арқасында көптеген қайырымды істердің жүзеге асуына мұрындық болдыңыз» дей келе Равиль Гайнутдин Бас мүфтидің жаңа қызметінде үмметіміздің бірлігі мен өркендеуі жолында жан аямайтын білікті басшы боларына сенім білдірді.

Get real time updates directly on you device, subscribe now.

Пікір жазу

Поштаңыз сыртқа жарияланбайды.