Сәдуақас қажы Ғылмани мешітінің ресми сайты

Бас мүфти мектеп мұғаліміне баспана кілтін табыстады (ФОТО+ВИДЕО)

0 26

Get real time updates directly on you device, subscribe now.

5 қазан. Нұр-Сұлтан. Sunna.kz – ҚМДБ төрағасы, Бас мүфти Наурызбай қажы Тағанұлы елорда іргесіндегі Қоянды ауылының тұрғыны Мая Сафонқызына үш бөлмелі үйдің кілтін табыстады, деп хабарлайды ҚМДБ баспасөз қызметіне сілтеме жасаған sunna.kz тілшісі.

Төрт жылдан бері 40 тонналық темір контейнерді паналап келген мектеп мұғалімі үшін бүгіннен бастап бақытты күндердің есігі айқара ашылғандай. ҚМДБ «Зекет» қорының «Ел үлесі – пәтерге» жобасы аясында Нұр-Сұлтан өкілдігінің ұйытқы болуымен 279-баспана кілті – Мая Сафонқызына төл мерекесінде жасалған теңдессіз сыйлық болды.

Осыдан төрт жыл бұрын жұбайы Әскер Калемханұлы басынан жарақат алып, еңбекке жарамсыз болып қалғалы тағдыр тауқыметі титықтатқан шарасыз отбасы темір контейнерді паналап келген болатын. Сырқат күйеуі мен екі баласын асырау оңайға соқпаса да, Қоянды мектебіндегі ұстаздық қызметінен қол үзбеген. Қиындықпен жалғыз алысқан қайсар жанға құрмет ретінде мерекелік шара Ұстаздар күніне орайластырылып, Калемхановтар отбасы үшін тосын сый жасалды

Игілікті шараға белгілі тележүргізуші, сенатор Дана Нұржігітқызы арнайы қатысып, мектеп мұғалімінің қуанышымен бөлісіп қайтты. Жаңа баспанада жайылған дастарханда басында ізгі тілектер айтылып, қазақы дәстүрге сай жаңа шаңыраққа қажетті сыйлықтар тарту етілді. Игі шараға демеушілік танытып, сүттей ұйыған бір отбасының бақытты болуына септіктерін тигізген Ерлік Хайдарұлы бастаған ел ағалары да қуаныштың басынан табылып, ізгі тілектерін білдірді.

ҚМДБ төрағасы, Бас мүфти Наурызбай қажы Тағанұлы елорда іргесіндегі Қоянды ауылының тұрғыны Мая Сафонқызына үш бөлмелі үйдің кілтін табыстады.

Төрт жылдан бері 40 тонналық темір контейнерді паналап келген мектеп мұғалімі үшін бүгіннен бастап бақытты күндердің есігі айқара ашылғандай. ҚМДБ «Зекет» қорының «Ел үлесі – пәтерге» жобасы аясында Нұр-Сұлтан өкілдігінің ұйытқы болуымен 279-баспана кілті – Мая Сафонқызына төл мерекесінде жасалған теңдессіз сыйлық болды.

Осыдан төрт жыл бұрын жұбайы Әскер Калемханұлы басынан жарақат алып, еңбекке жарамсыз болып қалғалы тағдыр тауқыметі титықтатқан шарасыз отбасы темір контейнерді паналап келген болатын. Сырқат күйеуі мен екі баласын асырау оңайға соқпаса да, Қоянды мектебіндегі ұстаздық қызметінен қол үзбеген. Қиындықпен жалғыз алысқан қайсар жанға құрмет ретінде мерекелік шара Ұстаздар күніне орайластырылып, Калемхановтар отбасы үшін тосын сый жасалды

Игілікті шараға белгілі тележүргізуші, сенатор Дана Нұржігітқызы арнайы қатысып, мектеп мұғалімінің қуанышымен бөлісіп қайтты. Жаңа баспанада жайылған дастарханда басында ізгі тілектер айтылып, қазақы дәстүрге сай жаңа шаңыраққа қажетті сыйлықтар тарту етілді. Игі шараға демеушілік танытып, сүттей ұйыған бір отбасының бақытты болуына септіктерін тигізген Ерлік Хайдарұлы бастаған ел ағалары да қуаныштың басынан табылып, ізгі тілектерін білдірді.

Get real time updates directly on you device, subscribe now.

Пікір жазу

Поштаңыз сыртқа жарияланбайды.