Сәдуақас қажы Ғылмани мешітінің ресми сайты

ҚМДБ Төрағасы Сыр өңірінің диқандарымен жүздесті

0 42

Get real time updates directly on you device, subscribe now.

19 қараша. Нұр-Сұлтан. Sunna.kz – Қызылорда облысына жұмыс сапары аясында Бас мүфти Наурызбай қажы Тағанұлы Сыр өңірінің бір топ диқанымен кездесті, деп хабарлайды ҚМДБ баспасөз қызметіне сілтеме жасаған Sunna.kz тілшісі.

ҚМДБ Төрағасы жүздесуде еңбек адамына құрмет жайлы дінімізде терең мән берілгенін баса айтты.

«Ардақты Пайғамбарымыздың (оған Алланың салауаты мен сәлемі болсын): «Қара жұмыстан қолы күстеніп немесе шаршап-шалдығып келіп ұйқыға бас қойған адам кешірімге ие болып, күнәларынан арылады» деген. Хадистерде ешкімге қол еңбегінен артық ризық бұйырылмағаны айтылады. Мұсылман адам жұмысының беделі жоғары не төмендігіне, жеңіл не ауырлығына, табысының аз не көбіне емес, бірінші кезекте адалдығына мән беруі керек. Біреуге жалданып, тау қопарып, тас уататын ауыр жұмыстарға жегілсе де, арқалап отын тасып, аула сыпырса да, ең бірінші кезекте нанын адал тауып жеуге ықылас танытуы тиіс. Өйткені ең бастысы адалға ниетті болғандықтан, қандай төменгі жұмысты істесе де, Алла Тағала оның еңбегін жоғары бағалары анық. Бүгін өздеріңіздей еңбек адамын көріп, қуанып отырмын. Адал ризықпен отбасын асырап, берекеге кенеліп жүрсіздер. Сіздер еккен күріш, осы жерден шыққан әрбір қап ақмаржан әр қазақтың шаңырағына жетсін» дей келе мекеменің еңбек ұжымына ыстық ықыласын жеткізді.

Get real time updates directly on you device, subscribe now.

Пікір жазу

Поштаңыз сыртқа жарияланбайды.