Алла, Пайғамбар (с.ғ.с) және Құран алдындағы міндеттеріміз

Алла алдындағы міндеттеріміз:

Бізді жоқтан бар етіп, тамаша дене мүшелерін берген, жер бетіндегі барлық нәрсені біз үшін жаратқан – Алла. Адамға берілген бұл артықшылықтар мен ерекшеліктер басқа ешқандай тіршілік иелеріне берілмеген. Сондықтан осы жақсылықтарға шүкірлік ретінде орындауымыз қажетті міндеттер бар.

Бұл міндеттер мыналар:

а) Алланың бар және бір екендігіне сену;

ә) Ғибадаттарымызды орындау;

б) Алла әмірлеріне бағынып, тыйым салған істерден бойды аулақ ұстау;

в) Аллаға деген сүйіспеншілікті басқадан жоғары ұстау;

г) Алланың атын құрметпен еске алу;

д) Берген нығметтеріне шүкіршілік ету.

Пайғамбар алдындағы міндеттеріміз:

Алла Ислам дінін адамдарға жеткізу міндетін Хазірет Мұхаммедке (с.а.у.) жүктеген. Пайғамбарымыз адамзаттың игілігі үшін көп еңбек сіңірді. Осы жолда көптеген қиыншылықтарға ұшырады. Соңында Ислам нұры жер жүзін жарыққа бөледі. Адамдар бақытқа кенелудің жолдарын үйренді. Сондықтан:

а) Хазірет Мұхаммедтің (с.а.у.) соңғы әрі ұлық пайғамбар екендігіне иман келтіру;

ә) Расулды жақсы көріп, аты аталғанда салауат айту;

б) Ол көрсеткен жолмен жүру;

в) Расулдың жақсы қасиеттерін үлгі тұту. Бұлар пайғамбарымыз алдындағы міндеттеріміз.

Құран алдындағы міндеттеріміз:

а) Құран Кәрімнің пайғамбарымыз арқылы Алла жіберген соңғы кітап екеніне сену;

ә) Құранды қағидаларына сай мәнерлеп оқу;

б) Мағынасын түсінуге тырысу;

в) Құран оқығанда және тыңдағанда құрмет көрсету;

г) Құранның бұйрықтарын орындап, тыйымдарынан сақтану.

материал «Негізгі діни мағлұматтар» кітабынан алынды,

sunna.kz