Оразаның 7 қасиеті
Ораза – екі дүние қуанышы
Сенімді хадистерде оразаға қатысты көптеген игіліктер мен артықшылықтар келтірілген. Осы артықшылықтарды білу иман келтіргендерге оразаны жүрекпен де, тәнмен де ең үздік түрде ұстауына көмектеседі.
Құранда адамның нақты дұшпаны шайтан деп айтылған. Ораза – оның ықпалын әлсірететін құрал, өйткені ас-судан бас тарту тән қалауын әлсіретеді. Алла Елшісі, оған Алланың салауаты мен сәлемі болсын: «Қанның тамырларда айналып жүргеніндей, шайтан да адамның денесінде айналып жүреді. Аштықпен (аз жеумен, ораза ұстаумен) оның жолдарын қысыңдар!» деген. (Бұхари).
Хадистердің бірінде айтылғандай: «Ораза – сабырдың жартысы». Ал сабыр – иманның жартысы: Жұмақтың кілті әрі қиыншылық пен сынақтарды жеңу жолы.
Алла Тағала былай дейді: «Әрбір игі амалға оннан жеті жүзге дейін сауап беріледі, оразадан басқа, өйткені ораза – Мен үшін және оның сауабын Өзім беремін». Сондай-ақ, Құранда былай айтылады: «Шын мәнінде сабыр етушілерге сыйлықтары есепсіз орындалады!» («Зумәр» сүресі, 10 аят). Ал ораза, белгілі болғандай, тек қана тән жағынан болатын әрекеттерден тыйылу ғана емес, сондай-ақ тыйым салынған сөздер мен қылықтардан да арылу жолында рухани тәрбиелену.
Алла Елшісі, оған Алланың салауаты мен сәлемі болсын, былай деген: «Шынында, Жәннатта «әр-Райян» деп аталатын қақпа бар. Қиямет күні одан ораза ұстаушылар ғана кіреді, әрі ол қақпадан олардан басқа ешкім кірмейді».
Айша анамыз, оған Алла разы болсын, Алла Елшісінің, оған Алланың салауаты мен сәлемі болсын, оған былай айтқанын жеткізген:
– «Үздіксіз Жұмақтың қақпасын қақ» дейді Пайғамбарымыз оған Алланың салауаты мен сәлемі болсын .
– «Немен?» – деп сұрайды Айша анамыз, оған Алла разы болсын.
– «Ашығумен», – деп жауап берген екен Пайғамбарымыз, оған Алланың салауаты мен сәлемі болсын.
Қайлюль деп аталатын түс уақытындағы ұйқы – Пайғамбарымыздың, оған Алланың салауаты мен сәлемі болсын, сүннеті болып табылады. Хадисте келтірілгендей: «Ораза ұстаушының ұйқысы да Аллаға құлшылық», тіпті ораза кезіндегі мұсылманның ұйқысы оның құлшылығының жартысы болып табылады.
Алла Елшісі, оған Алланың игілігі мен сәлемі болсын, былай айтқан: «Алла Тағала Өз періштелерінің алдында тақуа бозбаламен мақтанған екен: «Уа, бозбала, Мен үшін өз қалауын ұмытқан әрі жас шағын Маған арнаған, сен Мен үшін – Менің періштелерімнің біріндейсің».
Басқа хадисте: «Алла айтады: «Уа, Менің періштелерім! Мен үшін өз қалауы мен рахатын, ас-суын қалдырған Менің құлыма қараңдаршы!» деп айтылады.
Алла Елшісі, оған Алланың салауаты мен сәлемі болсын: «Ораза ұстаушының екі қуанышы бар: ауызашардағы қуанышы мен Өз Жаратушысымен қауышардағы қуанышы» деген.
Егер иман келтірген адам оразаны шынайы түрде бар жан-тәнімен ұстаса, оның ойына кіріп шықпайтын қуанышты сыйлыққа тап болады. Қасиетті Құранда:
«Ешкім қылмысы жаққандықтан өздерше көмес сақтаулы қуанышты сыйлықты білмейді» делінеді. («Сәжде» сүресі, 17-аят)
Алла Тағаланың бұл дүниеде мұсылманға берер сыйы – оны ақиқат жолға салуы әрі Алла разылығын алу үшін жүрегін нығайтуы:
«Сондай жолымызда күрескендерді әлбетте тура жолдарымызға саламыз. Рас, Алла жақсылық істеушілермен бірге» («Анкәбут» сүресі, 69-аят).