Рамазан. Жұма. Қадір түні: 100 отбасына қайырымдылық көрсетілді (фото)

31 мам 2019 2 331 рет оқылды

Бүгін Қасиетті Рамазан айының соңғы жұма күні мен Қадір түні қатар келген ең қайырлы күндердің бірі. Қадыр түні – мың айдан қайырлы түн. Сондықтанда қасиетті Қадір түнінің құрметіне орай, Нұр-Сұлтан қаласы «Сәдуақас қажы Ғылмани» мешітінің бас имамы Нұрлан Рамазановтың ұйымдастыруымен және демеуші азаматтардың қолдауымен көп балалы аналар, асыраушысынан айырылған жалғызбасты жандар және мүгедек т.б әлеуметтік жағдайы төмен 100 жанұяға азық-түлік пакеті үлестірілді. Әрбір отбасына (ұн, күріш, май, қант, макарон, шекер т.б.) табысталды.

Елордалық атымтай-жомарт азаматтардың демеушілігімен мешітімізде ай бойы қайырымдылық акциялары жиі өткізіліп келеді. Естеріңізге сала кетейік, ораза басталған күні «Мұқтаждың мұңын бөліс!» атты акциясы бойынша 20 отбасына қайырымдылық көмек берілсе, өткен аптада «Жақсылыққа жарысайық» атты қайырымдылық акциясы аясында 100 отбасына азық-түлікпен қайырымдылық көмек көрсетілген еді.

Аталмыш шараға мешітіміздің наиб имамдары қатысып, мұқтаж отбасыларға қайырымдылық пакеттерін таратты.

Көмек алушы отбасылар бұл игі шараның Рамазан айында берілуі ораза құлшыдығымызды атқаруға септігін тигізеді дей келе, мешіт қызметкерлері мен демеушілерге алғыстарын білдіріп, кәсіптеріне береке тіледі.

«Сәдуақас қажы Ғылмани» мешітінің баспасөз қызметі

Рамазан. Жұма. Қадір түні: 100 отбасына қайырымдылық көрсетілді (фото)

Ұқсас жазбалар

Бас мүфти «Хасеки» академиясының шәкірттерімен кездесті

Мешіт жанындағы дүкендердегі діни кітаптар тексерілді (фото)

ҚМДБ Төрағасы Түркия дін істері басқармасының төрағасымен кездесті