Жіп пен балта

Бір күні мешітке үсті-басы алба-жұлба, сақал-шашы әбден өсіп кеткен бір бәдәуи (шөл адамы) келеді.

Мұны сахабалар Пайғамбарымызға (с.ғ.с.) жеткізеді.

Алла Елшісі (с.ғ.с.) әлгі пақырды қасына шақырып алады да, мұндай жағдайға қалай тап болғанын сұрайды.

Сонда әлгі адам өзінің жұмыссыз жүргенін, содан азып-тозып кеткенін айтады. Пайғамбарымыз (с.ғ.с.) әлгі ғаріпке қарап: «Сіз қазір бір жіп пен балта алып келе аласыз ба?», – деп сұрайды. Әлгі кісі «Иә» деп жауап қайтарып, көп ұзамай бір жіп пен балта алып келеді.

Сол кезде Алла Елшісі (с.ғ.с.) ғаріпке: «Енді осылармен таудан отын шауып әкеліп, базарға сат», – дейді.

Әлгі бәдәуи Пайғамбарымыздың (с.ғ.с.) айтқан талабын орындап, табыс табады. Сөйтіп, жалқаулықтан, кедейліктен құтылып, Пайғамбарымыздың (с.ғ.с.) сахабаларының қатарына қосылады.

sunna.kz