Алматы мешіттерінде сенбілік өтті

Алматы қаласының бас имамы Төлеби қажы Дәділұлының  бастамасымен Алматы қаласының  барлық мешіттерінде сенбілік шарасы өтті. Қаладағы пандемия жағдайына байланысты әр мешіттің санитарлық нормаларға сай қызмет атқаруын қамтамасыз ету мақсатында қалалық сегіз ауданға қарасты мешіттерде дезинфекциялық тазалық жұмыстары жүргізіліп, аулалар қоқыстан тазартылды.  

«Тазалық – денсаулық кепілі» деген ізгі-ниетті басшылыққа алған имамдар мен мешіт қызметкерлері жұмыла кіріскен тазалық жұмыстары нәтижесінде құлшылық үйлері санитарлық талаптарға сай екенін көрсетті.
Сонымен қатар Бас имам қаладағы кейбір мешіттердің санитарлық талаптарға қызмет етуі және тазалықтарымен танысып шықты.

azan.kz