Бөлтірік шешен: Орынсыз сөз жау шақырады

Бөлтірік баласына “Жау жоқ деме – жар астында, бөрі жоқ деме – бөрік астында”, “Басыңа ие бол, қолыңа ие бол, тіліңе ие бол” деген сияқты ақыл сөздерді айта береді екен. Бірде баласы әкесіне: “Жауды жақындатып, қара аспанды төндіріп қоятыныңыз-ай” деп қапа болыпты.

Сөйтіп жүргенде Бөлтіріктің баласы бір жерге қыдырып барып, біреулермен сөз сайыстырып, ілінісіп қалады. Айып басы тағы да сөзден шықса керек.

Баласы Бөлтірікке:

– Әке, “Жау жоқ деме – жар астында”, “Басыңа ие бол, қолыңа ие бол, тіліңе ие бол” дегеніңіздің мәнісін енді ұқтым, – дейді. Сонда Бөлтірік баласын былай деп демеп:

–Кердең болса,

Аяғың жау тартады.

Кесірден болса,

Таяғың жау тартады.

Кіді болса,

Мінезің жау тартады, – деген екен.

sunna.kz