Сәдуақас қажы Ғылмани мешітінің ресми сайты

Әубәкір Абайұлы: Жүрекке қоса бітсе ғылым, айла

0 61

Назарларыңызға Абай баласы Әубәкір ақынның өлең шумақтарынан үзінділер ұсынамыз.

Жүрекке қоса бітсе ғылым, айла,

Білгенге одан басқа бар ма пайда.

Атымды айқын тарихта қалдыра алмай,

Кеттім-ау жас балаша қоңыр жайда.

 

Көп топтан оқшау озып жеке-дара,

Ойнайтын қайран қуат, жиын тойда.

Артында із қалмайтын, жұрт білмейтін,

Босқа жүр талай мырза сеніп бойға.

 

*****                                          *****

Асты лай, мөп-мөлдір-ақ беті тұнық,

Мүләйім кісі сынды көзге сынық.

Еткен ісін абайлап байқап жүрсең,

Не түрлі табылады пәлші қылық.

*****                                          *****

 

Ішінде қымың да бар, жымың да бар,

Бұрыннан би болмаған сұмың да бар.

Тартылсаң анық әділ таразыға,

Балтаменен шабатын мінің де бар.

 

*****                                          *****

Көзіме жас келеді өткенді ойлап,

Дүние қызығына бар ма тоймақ.

Мал сойып, ауыл басы қымыз ішіп,

Ән салып жүруші едік күліп-ойнап.

 

*****                                          *****

Табалмай бұған айла, ақыл, талап,

Бұл істен алып шығар арашалап.

Сасқан соң, жаратушы жәрдемшіге,

Жалынышты мүлгиді көзбен қарап…

Пікір жазу

Поштаңыз сыртқа жарияланбайды.