ҚМДБ ұстаздары Сыр мешіттерінде уағыз айтты
ҚМДБ Қызылорда облыстық өкілдігінің ұйымдастыруымен мүфтияттың ұстаздары Сыр жамағатымен кездесті.
Наиб мүфти, Шариғат және пәтуа бөлімінің меңгерушісі Сансызбай Құрбанұлы қалалық «Мүсірәлі ата» мешітінде Ислам дінінің құндылығы, дін мен дәстүр, Құран аяттарының хикметі жайында, Уағыз-насихат бөлімінің меңгерушісі Батыржан Мансұров қалалық «Айтбай» мешітінде көреалмаушылық тақырыбында, Діни білім және кадр даярлау бөлімінің меңгерушісі Смайыл Сейтбеков облыстық «Ақмешіт-Сырдария» орталық мешітінде «Амалдағы ниеттің маңыздылығы» туралы, Алматы қаласындағы «Төле би» мешітінің имамы Ерсін Әміре қалалық «Нұр» мешітінде мұсылманның ізгі амалы, жақсы істі кешіктірмеу, иманның қуатты болуы тақырыптарында насихат жүргізді.
