Діни оқу орындары мұғалімдері кәсіби біліктілігін арттырды

Жаңартылған уақыты Тамыз 12, 2017

Бүгін Астана медресесінде өткен «Техникалық және кәсіптік білім беру жүйесінің жаңа форматтағы педогогі» республикалық семинары тәмамдалып, қатысушыларға біліктілікті растайтын сертификаттар табысталды.

Қазақстан Оксфорд исламтану орталығымен ынтымақтастық орнатады

Астанада кітап апталығы басталды

Оңалту бағытында онлайн жиын өтті

ҚМДБ төрағасы, Бас мүфти Ержан қажы Малғажыұлының бастамасымен елімізде тұңғыш рет өткізіліп жатқан 72 сағаттық курсқа республика бойынша 74 оқытушы қатысқан еді. ҚМДБ-ға қарасты барлық медресе колледждер мен Ислам институтының ұстаздарына 31 шілде мен 12 тамыз аралығында өткен техникалық және кәсіптік білім беру курстарына қатысқанды куәландыратын құжат берілді.Ұстаздар семинардың оқу жоспарын төмендегі 5 модуль бойынша орындады: «Техникалық және кәсіптік білімнің жаңа парадигмасы және даму стратегиясы», «Техникалық және кәсіптік білімді нормативтік, бағдарламалық және оқу-әдістемелік қамтамасыз ету», «Функционалдық АКТ-құзыреттілік», «Кәсіптік педагогикажәне психология негіздері», «Техникалық және кәсіптік білім беруді жоспарлауға және ұйымдастыруға заманауи тәсілдемелер».

«QAZSERT» Қазақстан Республикасының сертификаттау, тестілеу және кәсіптік бағдарлау ұйымдарының қауымдастығының президенті А.Бүрлібайдың атынан сертификаттарды ҚР Дін істері және азаматтық қоғам министрлігі Сараптама орталығының басшысы Балғабек Мырзаев пен ҚМДБ аппарат басшысы Ғылымбек Мәжиев салтанатты түрде табыстады.

Сондай-ақ, шара барысында «QAZSERT» қауымдастығы республикалық курсты жоғары дәрежеде ұйымдастыруға атсалысқан «Нұр Астана» орталықмешітінің бас имамы Наурызбай қажы Тағанұлына, Астана медресесінің директоры мен ұжымына мақтау қағаздарын тапсырды.

ummet.kz