ИМАН ЖӘНЕ ҰЯТ

Жәбірейіл алейһиссалам ақыл, ұят және иманды Адам алейһиссаламға әкеліп былай деді:

-Ей Адам! Алла тағала саған сәлемін айтты. Алып келген мына үш сыйлықтың бірін қабыл алуыңды бұйырды. Адам алейһиссалам:

-Әкелген бұл үш сыйлықтың ішінен ақылды қабыл алдым. Жабрейіл алейһиссалам иман мен ұятқа қарап:

-Сендер бара берсеңдер болады,-дейді.

Сонда Иман оған:

– Алла тағала маған ақыл қайда қалса, сен де сонда қал деп бұйырған. Сондықтан мен ақылдан айрылып кете алмаймын!

Ұят та:

–  Алла тағала маған да дәл солай бұйырған. Мен де ақылдан айрылып кете алмаймын! Алла тағалакімге ақыл берсе, ұятпенен иман онымен бірге болады. Ақылы болмаған адамның ұятыда да, иманы да болмайды.